ප්‍රේමචන්ද්‍ර අල්විස්, මාධ්‍යවේදී - ලේඛක - භාෂා පරිවර්තක






ප්‍රේමචන්ද්‍ර අල්විස්


පද කැටි කලාව

සිංහල ලඝුලේඛකයන්ගේ වෘත්තීය ජයග්‍රහණයට මග යනුවෙන් ප්‍රේමචන්ද්‍ර අල්විස් විසින් රචනා කරන ලද කෘතියකි.





ප්‍රේමචන්ද්‍ර අල්විස්

ලංකාව ගැන ලියුම්

යටත් විජිතයක් වන ලංකා දිවයින පිළිබඳව මෙහි සඳහන් කරුණු කෙරෙහි පොදු ජනතාව වැඩි උනන්දුවක් නොදක්වන බව කතුවරයා දනී. මේ ලියුම් මගින් ජනතාව තුල එවැනි උනන්දුවක් දැල්වෙතෙයි කතුවරයා කිසි සේත් ම බලාපොරොත්තු නොවන නමුත් ඒ දිවයිනෙහි, තමන්ගේ මිතුරන් හෝ ඥාතීන් හෝ සිටින බොහෝ පවුල්වල සාමාජිකයන් මේ ලියුම් කියැවීමෙන් ප්‍රමෝදයට පත් වෙතියි හෙතෙම විශ්වාස කරයි.
කතුවරයා වසර කීපයක් ලංකාවෙහි හෙබවූ පදවිය කන්ද උඩරට රාජ්‍යත් එහි අභ්‍යන්තර ප්‍රදේශත් පිළිබඳව මෙතෙක් අප්‍රකටව පැවති තොරතුරු එක රැස් කර ගැනීමටත් එහි දේශගුණය සෞඛ්යට අහිතකරය යනුවෙන් පැතිර පැවති මතය තුරන් කිරීමටත් ඔහුට උපකාරී වූයේ ය.

ප්‍රේමචන්ද්‍ර අල්විස්

Lokopakaraya

Original Author Ven. Ranasgalle Thera and English Translation " Lokopakaraya" by Premachandra Alwis Ven. Ranasgalle Thera lived in Thotagamuwe Vihara in Hikkaduwa. The book was written during the Kotte Era, literary period 1410-1554 AD.




ප්‍රේමචන්ද්‍ර අල්විස්

වන ගත ලංකා

වනයට ආදරය කරන්නට පුතාට උගැන්නු තාත්තාගේ නාමයට උපහාර කොට පිරිනමමින් ඒ පුතා "වයිල්ඩ් සිලෝන්" ( WILD CEYLON ) යනුවෙන් ඉංග්‍රීසියෙන් ලියු කෘතිය "වනගත ලංකා" යන නමින් අපි මෙසේ ඔබ අතට පත් කරමු. තාත්තාගෙන් ලත් දැනුම ක්‍රියාවට නංවමින් වනයත් වැදි සනුහරයත් ගැන ආර් එල් ස්පිටල් නම් ලේඛකයා අතින් ලියැවුණු පළමුවැනි ග්‍රන්ථය මෙයයි. වැදි ජීවන රටාව වෙසෙසින් විවරණය කිරීම මේ කෘතිය සම්පාදනයේදී තමාගේ ප්‍රබල අභිලාශය වූ බව ලේඛකයා ප්‍රකාශ කරයි.

ප්‍රේමචන්ද්‍ර අල්විස්

කන්ද උඩරට සටන්

බ්රිතාන්යන්ගේ ආක්රමණය පිලිබඳ ප්රකට ඓතිහාසික කරුණු පාඨකයා වෙත ඉදිරිපත් කිරීමට ද වඩා ශ්රී ලාංකික හා විදේශීය විද්වතුන් ඒ ආක්රමණය සම්බන්ධයෙන් යම් යම් අවස්ථා වලදී පළ කළ මත හා දැරූ ආකල්ප පාඨකයා හමුවේ තැබීම ඉංග්රීසි පොතේ කතුවරයාගේ අභිප්රාය වී ඇති බව පැහැදිලිය. ලංකාවේ ආණ්ඩුකාරධුරය හෙබවූ ෆෙඩ්රික් නොර්ත් හා බ්රවුන්රිග් බ්රිතාන්ය රජය වෙත පවා අසත්ය කරුණු ඉදිරිපත් කරමින් කන්ද උඩරට ආක්රමණයේ අවශ්යතාව අවධාරණය කළ ආකාරයත් "කන්ද උඩ රට ජනතාවට ඔවුන්ගේ පාඩුවේ ඉන්නට ඉඩ දිය යුතුය" යන සාමකාමී ආකල්පයත් දැරූ තෝමස් මේට්ලන්ඩ් ආණ්ඩුකාරවරයා ඔහුගේ ධුර කාලය අවසානයේ පෙරලා සිය රට ගිය පසු බ්රිතාන්ය රජයට පවා එසේ නිර්දේශ කළ ආකාරයත් මෙහි දැක්වෙයි

ප්‍රේමචන්ද්‍ර අල්විස්

ක්‍රිස්ටීන් ස්පිට්ල් මතක සටහන්

"ක්‍රිස්ටීන් ස්පිට්ල් මතක සටහන්" නමින් මෙසේ ඔබ අතට පත් කැරෙන්නේ සුරංගනා කතා ලිවීම සඳහා සය හැවිරිදි වියේදී පෑන අතට ගත ක්‍රිස්ටීන් ස්පිට්ල් ඇගේ පසළොස් වැනි කෘතිය වශයෙන් ප්‍රකාශයට පත් කළ "Christine A Memoir " නම් කෘතියේ සිංහල පරිවර්තනයයි.
සුප්‍රකට ශල්‍ය වෛද්‍ය හා ලේඛක රිචඩ් ලයනල් ස්පිට්ල්ගේ හා වෛද්‍ය ක්ලේරී ස්පිට්ල්ගේ වැඩිමහල් දුහිතෘව කොළඹ ඇලෙක්සන්න්ඪ්‍රා පෙදෙසේ කුඩා නිවසක ජන්ම ලාභය ලත් ක්‍රිස්ටීන් ඇගේ ළමාවියේ මතක සටහන්වලින් ආරම්භ කරන මේ කෘතිය ජීවිතයේ මෙතෙක් ලත් සකල විධ අත්දැකීම් පිලිබඳ විග්‍රහයකි.

ප්‍රේමචන්ද්‍ර අල්විස්

ලංකාව සහ සිංහලයෝ

ගාලු වරායත් ඒ අවට පෙදෙසත් පිලිබඳ විචිත්‍ර වර්ණනාවකින් සිය කෘතිය ආරම්භ කරන මේ ලේඛකයා ස්වාභා සෞන්දර්යේ අමන්දාස්වාදය විඳින්නකු බව එකී විසිතුරු වණුවෙන් ම සනාථ වෙයි.
කෙමෙන් කොළඹට පැමිණ එහි සිට මහනුවර, නුවරඑළිය, ත්‍රිකුණාමලය යනාදී පෙදෙස් වල සංචාරයක යෙදෙන අතර සියලු වරගවලට අයත් සතුන් සීපාවන් ගැන සවිස්තර වාර්තාවක් මේ කෘතියෙන් ඉදිරිපත් කිරීමේ දැඩි ප්‍රයත්නයක් ද දරන කතුවරයා රටේ ජනතාවට ප්‍රයෝජනවත් ගහ කොළ පාඨකයාට හඳුන්වාදීමේ වෑයමක ද යෙදෙයි.

ප්‍රේමචන්ද්‍ර අල්විස්

හරිත මං පෙත්

යුග දිවියට සැපත් අලුත ම සිය මනාලියද කැටුව වන වැදී හොරොව්පතානට නුදුරු පෙදෙසක ගන වනය මැද නිවසක් ඉදි කොට ගෙන රුදුරු වන සතුන් ඇසුරෙහි වසර කීපයක් ගෙවූ ජීවිතයේදී ලද අත්දැකීම් එක තැන් කොට ඩී ජේ ජී හෙනසී
නම් පොලිස් නිලධාරියා අතින් ලියැවුනු "ග්‍රීන් අයිල්ස්" නම් ඉංග්‍රීසි ග්‍රන්ථයේ සිංහල පරිවර්තනය "හරිත මන් පෙත්" නමින් පාඨක ඔබ අතට පත් කළෙමි,


ප්‍රේමචන්ද්‍ර අල්විස්

අහිංසකයා

දුෂ්ට බලවත්කමේ පීඩනයෙන් මිරිකෙන අහිංසකත්වය තුළ ඒ පීඩනය නිසා ම යම් දවසක ජනිත වන අසාමාන්‍ය ශක්තිය ඒ බලවත්කම අභිබවා යන බවත් ඊර්ෂ්‍යාව, ක්‍රෝධය හා වෛරය යනාදී දුර්ගුණවල දුර්විපාක කවදා හෝ ඒ නුගුණ උපන් තැන් ම සොයා ආපසු යන බවත්, සීමාන්ත ධන තෘෂ්ණාව විනාශයේ උල්පත විය හැකි බවත් ප්‍රකට කරන යතාර්ථවාදී දර්ශනයක් මෙහි අන්තර්ගත කෙටිකතාවල අනුභූතිය වශයෙන් පවත්නේය.


ප්‍රේමචන්ද්‍ර අල්විස්

අසු දුටු දේ

අසු දුටු දේ" මා විසින් රචනා කරන ලද මුල්ම කෘතියයි.







ප්‍රේමචන්ද්‍ර අල්විස්

"

හරිත තේ උයන මැද

පරිසරවේදී රෝරි ස්පවර්ස් ඔහුගේ භාර්යාව - ය්ච්ට් - ශෝල්ටෝ ක්ෂාන් යන පුතුන් දෙදෙනා ද කැටුව වසර 2004 දී ශ්‍රී ලංකාවට පැමිණ ගාලු ප්‍රදේශයේ අත හැර දමන ලද තේ වගාවක් මැද පිහිටි පරණ සුවිසල් නිවසක් ඒ ඉඩමද සමගම බද්දට ගෙන ඔහුගේ පරිසර හිතකාමී ව්‍යාපෘතියක් ක්‍රියාත්මක කිරීම සඳහා දැරූ ප්‍රයත්නයේදී ඔහු ලැබූ කටුක හා මිහිරි අත් දැකීම් සාරගර්භ භාෂාවන් විවරණය කරනු පිණිස A Year in Green Tea and Tuk - Tuks යනුවෙන් ඔහු ලියු කෘතියේ සිංහල පරිවර්තනය "හරිත තේ උයන් මැද" යන නමින් මෙසේ අපගේ සහර්ද පාඨක පිරිස වෙත ඉදිරිපත් කලෙමි

ප්‍රේමචන්ද්‍ර අල්විස්

ජීවයේ කතාව

ජීවයේ කතාව ප්‍රේමචන්ද්‍ර අල්විස් ගේ පරිවර්තනයකි.






ප්‍රේමචන්ද්‍ර අල්විස්

නොක්ස් දුටු ලක්දිව

කන්ද උඩ රට රාජ්‍යය විචාළ දෙවැනි රාජසිංහ රජුගේ එළිමහන් සිරකරුවෙකු බවට පත්ව වසර දහනවයක් හා සය මසක් එහි වාසය කළ ඉංග්‍රීසි ජාතික රොබට් නොක්ස් රහසිගතව ලංකාවෙන් පිට වී ගොස් බතාවියහී සිට එංගලන්තය බලා ගමන් ගත් නැවේදී ලියන්නට පටන් ගෙන එංගලන්තයට පැමිණියායින් ද බොහෝ කලකට පසුව ලියා අවසන් කොට නැගෙනහිර ඉන්දියා වෙළඳ සමාගමේ අධ්‍යක්ෂ මණ්ඩලය වෙත අත් පිටපත ඉදිරිපත් කළ, The Historical Relation of the Island of Ceylon නමැති ග්‍රන්ථයේ සම්පුර්ණ සිංහල පරිවර්තනය "නොක්ස් දුටු ලක්දිව" යනුවෙන් මෙසේ අපගේ සුහද පාධ්කයන් අතට පත් කලේ හද පිරි සොම්නසිනි.

ප්‍රේමචන්ද්‍ර අල්විස්

ලක්බිමේ සත් වසක්

ලක් බිමේ සත්වසක් යන නමින් පාඨක ඔබ අතට මෙසේ පත් කැරෙන්නේ යාපනය, මහනුවර හා හම්බන්තොට යන ද ිස්ත්‍රික්කවල සත් වසක් විසු ලෙනාඩ් වුල්ෆ් ඒ වකවානුව අලලා GROWING (වැඩීම) යනුවෙන් ලියූ ස්වයං චරිතාපදානයේ සිංහල පරිවර්තන යයි.
මෙය වුල්ෆ්ගේ ස්වයන් චර්තාපදානයේ දෙවැනි කොටසයි. කතුවරයා ලංකාවේ ගත කළ සත් වස තුළ ලත් අත්දැකීම්වලට පමණක් සීමා වෙමින් ලංකාවේ එදා ජන ජීවිතය විවරණ කරන මේ දෙවැනි කොටස වෙනම ම පොතක් වශයෙන් කියවා රස විඳීමෙහි ලා සිංහල පාඨකයාට කිසිදු අවහිරයක් නොමැති හෙයින් අපි මෙය සිංහලයට පරිවර්තනය කිරීමට තෝරා ගත්තෙමු.

ප්‍රේමචන්ද්‍ර අල්විස්

ලක් බිමේ තවත් යුගයක්

ඉංග්‍රීසි නමකින් හැඳින්වුණ ද දක්ෂිණ ලංකාවේ තංගල්ලේ ඉපිද කොළඹ දී ජීවිත ගමන සමාප්ත කළ රිචඩ් ලයනල් ස්පිටල් නමැති සාහිත්‍යධර වෛද්‍යවරයා අතින් බිහි වුණු ග්‍රන්ථවලිය අතර FAR OFF THINGS නම් කෘතියක්ද වෙයි. ලේඛකයා ම කියන පරිදි එය ලංකාවේ ඉතිහාසය ආදී වාසීන්, මිත්‍යා මත හා වනයේ අභිරහස් පිලිබඳ සංග්‍රහයකි. "ලක්බිමේ තවත් යුගයක්" යනුවෙන් සිංහල පාඨක ඔබ අතට මෙසේ පත් කැරෙන්නේ ඒ ඉංග්‍රීසි කෘතියේ සිංහල පරිවර්තනයයි.

ප්‍රේමචන්ද්‍ර අල්විස්

මකියාවෙලී කුමාරයා

උතුරු ඉතාලියේ ප්ලොරන්ස් නගරයෙහි 1469 දී ජන්ම ලාභය ලබා රාජ්‍ය තාන්ත්‍රිකයකු, දේශපාලන දර්ශනවාදියකු හා ග්‍රන්ථ කර්තෘවරයකු ද බවට පත් නිකොලොයි ඩී බර්- නාර් -ඩෝ මාකියාවෙලි විහින් රචිත THE PRINCE නම් කෘතියේ සිංහල පරිවර්තනය "කුමාරයා" යනුවෙන් මෙසේ පාඨක ඔබ අතට පත් කරමු.
මේ පරිවර්තනය "ලංකාදීප" පුවත් පතේ "රජ වීදිය" විශේෂාන්ගයෙහි කොටස් වශයෙන් පළ වෙද්දී මේ සම්බන්ධයෙන් බොහෝ පාඨක භවතුන් ගෙන් ලැබුණු අනුග්‍රාහාත්මක ප්‍රතිචාරය, මේ කෘතියේ එළිදැක්ම ඉක්මන් වීමට හේතු වුණු බව කෘතවේදීව සටහන් කළ යුතුය.

ප්‍රේමචන්ද්‍ර අල්විස්

නරපති ලියර්

නරපති ලියර් කෘතිය, විලියම් ශේක්ස්පියර් විසින් රචිත "කිං ලියර් " නම් වූ ඉංග්‍රීසි කෘතියේ සිංහල පරිවර්තනයයි. "කිං ලියර්", විලියම් ශේක්ස්පියර් විසින් 1605-06 කාලයදී රචනා කරන ලද්දකි.


ප්‍රේමචන්ද්‍ර අල්විස්

නිවැරදි වහර

භාෂාවේ උපකාරයෙන් කැරෙන සන්නිවේදනයේදී භාෂාව නිවැරදි නොවුණහොත් එහි විපාක කෙබඳු වේද යන වග පස්වැනි සියවසේ ජීවත් වූ කොන්ෆුසියස් නම් චීන දාර්ශනිකයා මෙසේ ප්‍රකාශ කළේය.
"භාෂාව නිවැරදි නොවුණ හොත් ලේඛකයා අදහස් කරන දේ ඔහුගේ ලේඛනයෙන් ප්‍රකාශ නොවේ. අදහස් කැරුණු දේ ප්‍රකාශ නොවුණ හොත් කළ යුතුව තිබෙන දෙයක් නොකැරී යන්නන්ට පිළිවන". "භාෂාවක වියරණය නොතකන්නා හෝ ඊට නිග්‍රහ කරන්නා හොඳ කෙනෙක් නොවේ. හොඳ මිනිහෙක් කවදාවත් භාෂාවක් විකට වීරුපයක් කොට දක්වන්නට උත්සාහ නො කරයි," යනුවෙන් ඇමෙරිකා උපහාස කතාකරුවෙක් ප්‍රකාශ කර ඇත.

ප්‍රේමචන්ද්‍ර අල්විස්

නිවැරදි වහර 2

භාෂාවේ උපකාරයෙන් කැරෙන සන්නිවේදනයේදී භාෂාව නිවැරදි නොවුණහොත් එහි විපාක කෙබඳු වේද යන වග පස්වැනි සියවසේ ජීවත් වූ කොන්ෆුසියස් නම් චීන දාර්ශනිකයා මෙසේ ප්‍රකාශ කළේය. "භාෂාව නිවැරදි නොවුණ හොත් ලේඛකයා අදහස් කරන දේ ඔහුගේ ලේඛනයෙන් ප්‍රකාශ නොවේ. අදහස් කැරුණු දේ ප්‍රකාශ නොවුණ හොත් කළ යුතුව තිබෙන දෙයක් නොකැරී යන්නන්ට පිළිවන".
"භාෂාවක වියරණය නොතකන්නා හෝ ඊට නිග්‍රහ කරන්නා හොඳ කෙනෙක් නොවේ. හොඳ මිනිහෙක් කවදාවත් භාෂාවක් විකට වීරුපයක් කොට දක්වන්නට උත්සාහ නො කරයි," යනුවෙන් ඇමෙරිකා උපහාස කතාකරුවෙක් ප්‍රකාශ කර ඇත.

ප්‍රේමචන්ද්‍ර අල්විස්

පදරුත් විදි

ලංකාදීප පත්‍රයේ විමංසා සාහිත්‍ය සංග්‍රහයට "පදරුත් විදි" නමින් මවිසින් සැපැයෙන ලිපි පෙලේ මුල් කොටස මෙසේ එනමින්ම පොතක් වශයෙන් අපගේ සුහද පාඨක ජනතාව අතට පත් කරන්නේ ඉමහත් සන්තෝෂයෙනි. ලංකාදීප ප්‍රධාන කර්තෘ සිරි රණසිංහ මහතාගේ උපදෙස් අනුව පදරුත් විදි ලිපි පෙළ සැපයිමෙහිලා අපගේ පරමාර්ථය වුයේ, සිංහල භාෂා ව්‍යවහාරයේදී බොහෝ දෙනා අතින් සිදුවන වැරදි හේතු කොට ගෙන සිදු වේගන යන භාෂා විකෘතිය කෙරෙහි අදාළ සියලු දෙනාගේ දැඩි අවධානය යොමු කිරීමත් විශේෂයෙන්ම පාසල් සිසුනට හා නිවැරදි බස් වහර පිලිබඳ අවබෝධයක් ලබනු කැමති ආධුනික පුවත්පත් කලාවේදීනට ද ප්‍රයෝජනවත් වබ කරුණු ඉදිරිපත් කිරීමත්ය.

ප්‍රේමචන්ද්‍ර අල්විස්

පැදි පොකුර

කාලයක් තිස්සේ වරින් වර විවිධ මාතෘකා යටතේ ලියැවුණු පැදි පන්ති කිහිපයකින් ද දේශපාලන ක්ෂේත්‍රයේ නොයෙක් අවස්ථා වල දක්නට ලැබුණු ඇතැම් සිද්ධි හා සමහර දේශපාලකයන්ගේ ප්‍රකාශ උපහාසයට ලක් කරනු සඳහා රචිත පැදි වැල් කිහිපයකින් ද මේ "පැදි පොකුර" සමන්විත වෙයි.
දිගු කලක් පොත් රාක්කයක හිර වී තිබුණු මේ පැදි පන්ති කීපය පොතක් වශයෙන් එළි දක්වන්නට මා අදහස් කෙළේ තවමත් පැදිවල රස විඳීමට පමණක් නොව පැදිවල හොඳ නරක රස නීරස විමසමින් විචාරයෙහි යෙදෙන්නට ද කැමැත්තක් දක්වන රස දත් වියත් පාඨක පිරිසක් අප අතර සිටින හෙයිනි.

ප්‍රේමචන්ද්‍ර අල්විස්

පැරණි පැදි හරඹ

වස් කවි, සෙත් කවි, තේරවිලි කවි දහම් ගැට යනාදී වශයෙන් පවත්නා පැදිත් , සමාජයේ හෝ කිසියම් පුද්ගලයකු ගේ දුබල කමක් උපහාසයට ලක් කිරීම, හිතවතකුට විහිළුවක් සරදමක් කිරීම, කිසිවකුට ඇනුම් පදයක්
කීම හෝ කියන ලද ඇනුම් පදයකට පිළිතුරු දීම, කෙනකුට වක්රෝතියෙන් වාග් ප්‍රහාරයක් එල්ල කිරීම, කිසිවකු ගේ දුර්ගුණයකට නිර්දය පහරක් ගැසීම යනාදී නොයෙක් අරමුණු ඇති ව සමුද්‍රඝෝශාදී විවිධ විරිතීන් හා ශ්‍රුනගාරාදී විවිධ රසයෙන් ද සංකලනය කොට පබඳුණු නා නා ගණයේ පැදි රැසක් මේ පැරණි පැදි හරඹ තුල දැක්වෙයි.

ප්‍රේමචන්ද්‍ර අල්විස්

පාර්ලිමේන්තු ක්‍රියාදාමය

පාර්ලිමේන්තුවේ මා සේවය කළ කාලය තුල එහි කටයුතු පිලිබඳ කරුණු දන ගැනීමේ දැඩි අසාවෙන් මැඩුණු ඇතැම් පාසල් සිසුන් ද ගුරු භවතුන් හා වෙනත් බොහෝ දෙනෙකු ද මගෙන් විමසු විවිධ ප්‍රශ්න වලට පිළිතුරු සපයනු පිණිසත් ඒ ප්‍රශ්න නිසා මා තුල හට ගත් කුතුහලය සංසිඳුවා ගනු පිණිසත් කරන ලද දීර්ග කාලීන ගවේෂණයක ප්‍රතිපලයක් වශයෙන් ලියැවුනු "පාර්ලිමේන්තු ක්‍රියාදාමය" නම් වන මේ කෘතිය "කාර්යාවලිය" හා "විශේෂාංග" යනුවෙන් ප්‍රධාන කොටස් දෙකකින් සමන්විත වෙයි.

ප්‍රේමචන්ද්‍ර අල්විස්

පෙම්බර ලංකා

සිංහල, දමිළ , මුස්ලිම් ජාතින් අතර පැවති ප්‍රබල සමගිය අවධාරණය කරමින් ඇරබෙන මෙම ග්‍රන්ථයෙහි එදා ජන ජීවිතයත් මෙහි විසූ සියලු ජන කොටස් වල විවිධ සංස්කෘතික ලක්ෂණත් මිත්‍යා විශ්වාස හ ඇදහිලි යනාදියත් ඉතා චමත්කාර
ලෙස මෙහි විවරනය කරයි. සිංහල රාජ වංශයෙහි ඇතැම් තොරතුරු මෙන්ම ඉන්දීය, පෘතුගීසි ,ලන්දේසි හා ඉංග්‍රීසි අක්‍රමණ පිළිබඳ කරුණු පමණක් නොව ඒවා මෙරට ජන ජීවිත කෙරෙහි බලපෑ ආකාරයද මෙහි සැකෙවින් දැක්වෙයි


ප්‍රේමචන්ද්‍ර අල්විස්

Encounter

The plot of each of these stories has been derived from various dramas in real life of which I came to know from different sources at different times.

Since the elaborations built up on the factual plots are fictitious, I tried my best to make the characters involved in occurrences behave in such a manner that their inter relations should go in line with the relevant plot of the story.


ප්‍රේමචන්ද්‍ර අල්විස්

පුරුදු පාර

කොළඹින් ගමන් ආරම්භ කරන කීබල් මහතා රටේ උතුරු කෙළවරටම ගොස් ඩෙල්ෆ්ට් ආදී දූපත්වල ද සැරිසරා ආපසු ගමනේදී ඓතිහාසික හා සංස්කෘතික වැදගත් ඇති තැන් සියල්ලම පාහේ නරඹා ගෙන රටේ දකුණු කෙළවරට ද ගොස් පෙරළා කොළඹට ළඟා වන්නේය.
තමා සංචාරයෙහි යෙදුනු තැන් පිලිබඳ ඓතිහාසික හා පුරාවෘතගත තොරතුරු මෙන්ම ජනශ්‍රුති ද තමාට කලින් ඒ තැන් වල සංචාරයෙහි යෙදුණු ගවේෂකයන් අනාවරණය කර ඇති කරුණු පමණක් නොව ඉබන් බතුතා හා පාහියන් භික්ෂුව වැනි ආදී කාලීන දේශාටකයන් විසින් තබන ලද ඇතැම් සටහන් ද පාඨකයා අතට පත් කිරීම කීබල් මහතාගේ අභිලාශය වී ඇති බව මේ කෘතියෙන් පැහැදිලි වෙයි.

ප්‍රේමචන්ද්‍ර අල්විස්

ලංකාවේ පෘතුගීසි යුගය

වර්ෂ 1505 දී අප රටට කඩා වැදුණු පෘතුගීසීන් මීගමුවේ සිට ගාල්ල දක්වා මුහුදුබඩ ප්‍රදේශ කීපයක ඔවුන්ගේ ආධිපත්‍ය පිහිටුවා ගැනීමෙන් පසු එම ප්‍රදේශ වල ගෙන ගිය අන්ත අමානුෂික දුෂ්ට පාලනය පිලිබඳ අතිශය ඛෙද ජනක කතාව මෙම කෘතියෙන් සවිස්තරව ඉදිරිපත් කෙරෙයි.




ප්‍රේමචන්ද්‍ර අල්විස්

සැඟවුණු ලොවෙන් ගැලවුණු සගයෝ

කාර්ය මණ්ඩලය හා මගීන් ඇතුළු 24 දෙනෙකු රැගත් ප්‍රවාහන ගුවන් යානයක් 1945 මැයි 13 වැනි දා, ඔස්ට්‍රේලියාවට උතුරෙන් පිහිටි නිව් ගීනියා දූපතට ඉහළින් පියාසර කරද්දී, එතෙක් අප්‍රකටව පැවැති දූපතකට කඩා වැටී ගිනි ගෙන, යානයේ හිටියවුන්ගෙන් විසි එක් දෙනෙක්ම පිළිස්සී මිය ගියහ. එහෙත් මාර්ගරට්, මැකලම් හා ඩෙකර් යන තුන් දෙනා බරපතළ පිළිස්සුම් තුවාල සහිතව දිවි බේරා ගැනීමට සමත් වූහ. ගුවන් යානය කඩා වැටුණු මහා ගන වනයෙන් පිටත එළිමහන් බිමක් වෙත පැමිණ රැදී සිටියදී ඔවුන් සෙවීමෙහි යෙදුණු ගුවන් යානයක සිට සොදිසියෙහි යෙදුණවුනට දැන ගන්නට ලැබීමෙන් පසු ඔවුන් තුන් දෙනා එම දූපතෙන් පිටතට නො ගැනෙන තෙක් ඔවුන් ගෙවූ කටුක ජීවිතය පිලිබඳ සත්‍ය කතාව මෙම පොතට ඇතුලත්ය

ප්‍රේමචන්ද්‍ර අල්විස්

සත්ව විද්‍යාඥ්යකුගේ කතන්දර

සොබා දහම පිලිබඳ පොත පත කියවීමට පටන් ගත් මන්තෙයිපෙල් ඉතා සුළු කරුණු පවා දීර්ඝ ලෙස විස්තර කළේය. නෙත ගැටුණු සෑම අපූර්ව දර්ශනයක් ම ගැඹුරට විවරණය කළේය; නිගමන වලට එළඹියේය; පුළුල් අනුගමනයෙහි යෙදුනේය. නිරීක්ෂණය - චින්තනය - පර්යේෂණය මන්තෙයිපෙල්ගේ ආදර්ශ පාඨයයි. මෙය මේ කෘතියෙහි අන්තර්ගත සෑම අන්දරයෙකම මැනෙවින් පිළිබිඹු වෙයි.

ප්‍රේමචන්ද්‍ර අල්විස්

සුදු වැද්දා

පාසලේදී ගුරුවරයෙකු සිය මුහුණට පහර දීම නිසා කෝපයට පත්ව පාසලෙන් පමණක් නොව ගෙදරින්ද පන ගොස් නැව් සමාගමක සේවයට බැදී එම නැවකින් මුදූ ගමනක යෙදී සිටියදී නැව ගල්පරයක වැදී මූදුබත් වන විට මූදට
පැන පීනා ලංකාවේ වෙරළකට ගොඩ වී කැලයට රිංගා ගත් හැන්ස් නමැති ලන්දේසි කොලු ගැටයාගේ ජීවිතය වටා ගොඩ නැගෙන මෙම කතාව පාඨකයා තුළ එකිනෙකට පටහැණි විවිධ අනුභූති ජනිත කිරීමට සමත්ය.

ප්‍රේමචන්ද්‍ර අල්විස්

වන වැදුණු දොස්තර

Surgeon of the Wilderness නම් ග්‍රන්ථය ක්‍රිස්ටීන් විල්සන් මහත්මියගේ පියා හෙවත් වෛද්‍ය රිචඩ් ලයනල් ස්පිටල් ගේ චරිතාපදානය යි. "වන වැදුණු දොස්තර" යනුවෙන් පාඨක ඔබ අතට මෙසේ පත් කැරෙන්නේ ඒ පීතෘ චරිතාපදානයේ සිංහල පරිවර්තනය යි. ක්‍රිස්ටීන් විල්සන් මහත්මිය සිංහලයෙන් කළ කතාවකදී මෙසේ පැවසුවා ය. "මා වැද්දන් බැලීමට තාත්තත් එක්ක පළමුවෙන් ම කැලයට ගිය දවසේ වැදී කාන්තාවන් මා වට කර ගෙන මගේ ඇඟපත අත ගාන්න පටන් ගත්තා. "මේ කවුද ඔවුන් තාත්තාගෙන් ඇසුවා. ඒ මගේ දුයැයි තාත්තා උත්තර දුන්නා. මගේ අත් බැගයේ තිබුණ කුඩා කණ්ණාඩියෙන් මා මුණ බලද්දී ඒ මොකක් දැයි
විමසූ වැදී කාන්තාවක් කණ්නාඩිය ඇගේ අතට ගෙන ඇය ද එයින් මුණ බැලුවා. "හී වතුර වලේ උන්නු යකා මේකෙත් ඉන්නවා!" යි ඇය කෑ ගැසුවා."

ප්‍රේමචන්ද්‍ර අල්විස්

අහිංසකයා

දුෂ්ට බලවත්කමේ පීඩනයෙන් මිරිකෙන අහිංසකත්වය තුළ ඒ පීඩනය නිසා ම යම් දවසක ජනිත වන අසාමාන්‍ය ශක්තිය ඒ බලවත්කම අභිබවා යන බවත් ඊර්ෂ්‍යාව, ක්‍රෝධය හා වෛරය යනාදී දුර්ගුණවල දුර්විපාක කවදා හෝ ඒ නුගුණ උපන් තැන් ම සොයා ආපසු යන බවත්, සීමාන්ත
ධන තෘෂ්ණාව විනාශයේ උල්පත විය හැකි බවත් ප්‍රකට කරන යතාර්ථවාදී දර්ශනයක් මෙහි අන්තර්ගත කෙටිකතාවල අනුභූතිය වශයෙන් පවත්නේය. මුල් ඉංග්‍රීසි කෘතිය ක්‍රිස්ටීන් විල්සන් අතින් ලියැවුණේ සෑහෙන කලකට ඉහතදී වුවද මෙහි අන්තර්ගතයෙහි සර්වකාලීන අගයක් ඇතැයි අපට හැඟුණු හෙයින් මෙය සිංහල පාඨකයන් වෙත මෙසේ ඉදිරිපත් කරන්නට අපි තීරණය කළෙමු.

ප්‍රේමචන්ද්‍ර අල්විස්

න්‍යුරෙන්බ්ර්ග් අවසාන ජවනිකාව

යුද සමයේදී ජර්මන් නාසි වාදීන් සිදු කළ අපරාධ අතිබිහිසුණුය. ඔවුහු පිරිමින් ගැහැනුන් පමණක් නොව ළමයින් ද ලක්ෂ ගණනක් ඝාතන කඳවුරු, විස වායු කුටි හා වැල් මෙහෙය මඟින් පර ලොව යැවුහ. ළමයින් පණපිටින් ගිනි උඳුන් තුළට විසි කළහ. මිනිස් සමින් ලාම්පු ආවරණ නිපදවුහ.
තමන්ගේ හමුදා බලතල පාවිච්චි කොට එවැනි අප්‍රමාද අපරාධ සිදු කැරවූ ප්‍රධාන නාසි යුද අපරාධකරුවන්ට එරෙහි නඩුව විභාග කරනු ජර්මනියේ න්යුරම්බර්ග් නගරයෙහි පිහිටු වන ලද විශේෂ ජාත්‍යන්තර හමුදා අධිකරණයේ අවසාන ක්‍රියාවලිය The Nuremberg Epilogue නම් ඉංග්‍රීසි කෘතියෙන් විස්තර වෙයි.

ප්‍රේමචන්ද්‍ර අල්විස්